Vallaskóli á Selfossi
Um skólann
Í tengslum við vettvangsnám í kennarafræðum við Háskólann á Akureyri lá leið mín í Vallaskóla á Selfossi. Skólinn er í tveimur húsum, 1. og 2. bekkur eru saman í einn byggingu samtals fimm bekkir en 3. til 10. bekkur eru saman í aðalbyggingu skólans. Nemendur í skólanum starfsárið 2012-2013 eru um 550 nemendur og um 100 starfsmenn (Vallaskóli, e.d.). Heimasíða skólans er vallaskoli.is hún er aðgengileg og vel virk. Sérstaklega langar mig að nefna tengil sem kallast námsvefur og er á síðu skólans en þar er að finna fjölda slóða í tengslum við allar námsgreinar ásamt slóð á rafbækur, orðabækur, hljóðbækur, námsleiki og annað kennslufræðilegt efni. Tengillinn getur reynst nemendum, kennurum og ekki síst foreldrum gagnlegur.
Kennarar skólans nýta mentor til skráningar á ástundun auk skráningar í dagbókarfærslur en þær skila sér til foreldra á þann hátt að foreldrar fá tölvupóst um að skráning hafi farið fram. Til þess að foreldrarnir sjái færsluna skrá þeir sig inn á mentor.is . Í samskiptum við foreldra nýta kennarar einnig hefðbundin tölvupóstsamskipti.
Tækjakostir og tölvuumsjón
Nýjustu tölvur í tölvustofu skólans eru frá árinu 2008 en í haust var sett upp Windows 7 í allar tölvur. Nemendur eru því betur „græjaðir“ nú en á síðasta skólaári, eins og upplýsingatækni kennari orðaði það. Í tölvustofu skólans eru 25 tölvur að auki hafa nemendur aðgang að nokkrum tölvum annarsstaðar í húsinu. Ein tölva er í hverri kennslustofu skólans ætluð kennara. Ekki er þráðlaust net í aðalbyggingu skólans en það er hinsvegar til staðar í húsnæði 1.-2. bekkjar. Kennarar 8.-10. bekkjar hafa reynt að fá það í gegn að koma á þráðlausu neti í skólanum en það hefur ekki fengist samþykkt af tölvuumsjónarmanni. Nemendum er heimilt að koma með fartölvur og spjaldtölvur að heiman þær nýtast þó nemendum takmarkað án aðgangs að interntinu.
Erfitt hefur reynst að fá leifi hjá tölvuumsjónarmanni til þess að setja upp forrit í tölvum skólans. Dæmi um það er myndbandaforrit sem nota átti í kennslu. Ekki fékkst samþykkt að taka það inn á síðasta skólaári en í haust náðist það í gegn en það fékkst samþykkt þegar liðinn var einn og hálfur mánuður af skólanum. Um er að ræða myndbandaforritið VideoPad video editor en því er hægt að hala niður frítt. Forritið er nýtt til myndbandavinnslu hjá 7-10. bekk. Í vinnu með myndir hafa nemendur og kennarar verið að lenda í vandræðum með að flytja myndir af símum og hlaða í tölvurnar en ástæðan er sú að setja þarf inn driver til þess að virkja gagnaflutninga. Kennarar hafa fengið þau svör frá tölvuumsjónarmanni að ekkert svoleiðis sé sett upp í tölvum skólanna.
Upplýsingatækni í kennslu
Þeir sem kenna upplýsingatækni á mið og elsta stigi í skólanum eru yfirleitt upplýsingatæknikennarar en á yngsta stigi sjá umsjónarkennarar um kennslu í mörgum tilfellum. Upplýsingatækni er fastur liður í stundaskrá allra bekkja þ.e. frá 1.-10. bekkjar það eru 40 mínútur á viku. Rætt var við umsjónarkennara 1. bekkjar en hann sér um að kenna sínum bekk upplýsingatækni. Markmiðið með tímunum er að þau átti sig á hvernig á að umgangast tækin, skrá sig inn og út. Hún sagði jafnframt að krakkarnir væru mjög áhugasöm um upplýsingatæknitímana og að tímarnir séu mjög gott uppbrot á hefðbundinni kennslu. Það hefur aukist síðustu ár að umsjónarkennarar nýti upplýsingatækni í tengslum við önnur fög. Ástæðan fyrir því að ekki er gert meira af því er lítið aðgengi að tölvum og ekki nægileg þekking kennara.
Upplýsingatæknikennari ræddi um það hversu mikil tölvukunnátta nemenda er í dag. Í því sambandi vísaði hann fyrst og fremst til nemenda á mið og elsta stigi. Kunnátta þeirra snýr fyrst og fremst að internetinu en síður að forritum eins og Word, Excel, PowerPoint, Publisher o.fl. Þessi forrit eiga það sameiginlegt að geta gagnast þeim í náminu, því er mikilvægt að stuðla að þekkingu þeirra á forritunum. Við nánari spurningar um færni elstu nemendanna á internetinu sagði upplýsingatækni kennari að kennsla á internetið fælist í því að fá nemendur til að átti sig á góðum og slæmum heimildum af netinu. Kennararnir nýta vefrallý til þess að vinna með áreiðanleika heimilda.
Þegar upplýsingatæknikennari var spurður út í það hvað ber að varast í tengslum við upplýsingatækni í grunnskólum sagðist hann vera mikill græjukall en erfitt væri að fylgjast með öllum nýjungum. Vegna tíma- og fjármagnsleysis eru kennarar í sumum tilfellum komnir á eftir nemendum sínum í tækninni. En það er það sem helst ber að varast þ.e.a.s. að daga ekki uppi eða verða úreltur. Hann benti á að skólar þurfi að gæta þess að það gerist ekki en vegna fjárskorts og lítils sveiganleika tölvuumsjónarmanna getur það reynst erfitt.
Upplýsingatækni hjá 2. bekk
Í 2. bekk voru nemendur í litilli stofu sem rúmaði sjö börn í sæti. Börnin notuðu fartölvur sem geymdar eru í tölvuskáp í húsnæði 1. og 2. bekkjar. Nemendur virtust flest vera með á hreinu hvernig ætti að kveikja á tölvunni og skrá sig inn. Allir nemendur skólans hafa sitt notendanafn en í fyrstu bekkjunum nota allir nemendur sama lykilorðið. Vefurinn nams.is er mest notaður í upplýsingatækni hjá bekknum. Ég fylgdist með einum hópi í fingrafimi sem er undir krakkasíðum á nams.is og í kjölfarið fékk ég að taka á móti næstu tveimur hópum og kenna. Það var afar áhugavert,skemmtilegt og um fram allt lærdómsríkt að fá tækifæri til þess að sjá um tvo upplýsingatæknitíma hjá 2. bekk. Það var nemendum ofarlega í huga að geta spilað leiki fremur en að æfa fingrasetningu. Þegar leið á tímann var hinsvegar annað upp á teningnum og æfingin í fingrafimi var þeim áskorun þegar nemendur áttuðu sig á því að þegar einu borði var lokið tók næsta við, dálítið eins og í tölvuleikjum.
Upplýsingatækni hjá 6. bekk
Kennslustundin fór fram í tölvustofu skólans og voru nemendurnir 20 talsins. Unnið var að kynningu í PowerPoint sem bar yfirskriftina „Bærinn minn Selfoss“. Kennari nýtti skjávarpann í tölvustofunni til þess að leiða nemendur í gegnum verkefnið. Ekki var sjáanlegur munur milli kynja í virkni eða áhugasemi en nemendur voru almennt áhugasamir, sérstaklega þegar kom að því að leita að mynd af Selfossi á internetinu og hanna útlit á glærunum. Kennari hvatti nemendur til þess að nýta sér flýtilykla t.d. þegar þau vistuðu benti hann þeim á að velja Ctrl og s.
Það er gaman að segja frá því að nemendur voru mjög áhugasamir um að ég væri nemandi í Háskólanum á Akureyri en byggi á Selfossi. Upplýsingatæknikennari beindi umræðunni í þá átt að það væri svo margt hægt með notkun tækninnar. Ég sagði þeim frá því hvernig kennslan færi fram, skemmtilegar spurningar komu frá nemendum í kjölfarið og var ein þeirra „ kanntu að kóða ?“. Spurningin varpar að einhverju leiti ljósi á hversu langt nemendur eru komnir í hugsun í tengslum við tölvur.
Upplýsingatækni hjá 8. bekk
Kennslustundin fór fram í tölvustofu skólans. Upphaf tímans fór í að skrá sig inn í tölvurnar en margir nemendanna mundu ekki lykilorðið sitt. Kennari sendi póst til tæknideildar með beiðni um nýtt lykilorð en það tók um 10-15 mínútur að bíða eftir svari. Aðspurður sagði kennari að þegar nemendur eru kominir í 5. bekk (á miðstig) eiga þau sjálf að halda utan um lykilorðið sitt. Í tímanum var unnið í Excel nemendur virtust margir ekki vita út á hvað forritið gékk. Nemendurnir sem voru 19 talsins í tímanum áttu mis gott með að fylgja eftir því sem gert var. Kennari sagði að í tímum sem þessum hefur reynst lang best að nýta skjávarpann til þess að leiða þau í gegnum verkefnið í stað þess að labba milli borða og aðstoða. Vinnan fólst í að setja upp einfaldar formúlur fyrir plús, mínus, deilingu og margföldun. Það var eftirtektavert að sjá að fingrasetning nemenda var ekki eins og hún á að vera, heldur notuðu þeir vísifingur á lyklaborðið. Áberandi var munur á áhuga og vinnusemi nemenda eftir kynjum en drengirnir virtust áhugasamari og virkari. Tíminn var eins og hjá öðrum 40 mínútur, sá tími virtist ekki nægilegur til að koma miklu í verk. Aðspurður sagði upplýsingatæknikennari að tveir samliggjandi tímar væru heppilegri tímalengd til þess að komst betur af stað í því sem tekið er fyrir í hverjum tíma.
Kennsla á myndbandsforrit í 7. – 10. bekk
Eins og áður hefur komið fram er unnið með myndbandsforritið VideoPad video editor í upplýsingatækni í 7.-10. bekk. Á þeim tveimur dögum sem skólaheimsóknin var voru ekki upplýsingatæknitímar hjá þeim nemendum sem hafa verið að vinna með myndbönd. Þegar ég heyrði af þessari vinnu þótti mér hún áhugaverð og leitað til upplýsingatæknikennarans sem sér um kennsluna. Hann sagði frá vinnunni en verið er að keyra verkefnið í annað sinn hjá 7.-10. bekk.
Í fyrra verkefninu skipti kennari nemendum í 2-5 manna hópa og ákvað viðfangsefnið sem var um 2 mínútna fræðslumyndband um skólann. Í 7. bekk var verkefnið unnið á annan hátt en í hinum bekkjunum en þar var leikið verk eftir ákveðinni formúlu sem kennari útbjó. Einn hópurinn í 7. bekk lagði mikið á sig, sömdu flott leikið handrit og fóru út í sveit til að taka upp. Það sem kennara þótti skemmtilegast við það mynband var að þegar hópurinn sá myndbandið tóku þau eftir öllu sem hefði mátt gera betur og ætla að passa sig á að gera ekki sömu mistökin aftur.
Í öllum bekkjum var verkefnið þrískipt, skiptingin var þannig að skila þurfti inn handriti og/eða söguborði, allir tóku síðan þátt í upptökum og hver nemandi klippti síðan sína útfgáfu af myndbandinu úr sama efni. Það var gert til þess að sýna nemendum að hægt er að gera mjög ólík myndbönd úr sama efni.
Fyrri verkefnin voru misgóð því fáir nemendur höfðu áður unnið með myndbönd. Við matið á frammistöðu nemenda var horft til vinnusemi og hvort þau fylgdu fyrirmælum. Munur var á því hvernig kynin nálguðust verkefnið en margir strákahópar vildu helst hlaupa af stað með myndavélina og taka upp Jackass atriði. En kennari benti á að myndbandsvinnsla er tímafrek þegar vel á að takast til.
Fyrra verkefnið var hugsað sem nokkurs konar kveikja. Nú í seinna verkefninu er verið að gera leiknar myndir, endurgera atriði úr þekktum bíómyndum, tónlistarmyndbönd, sketsaþætti, stop motion myndbönd svo eitthvað sé nefnt. Margir hópar eru byrjaðir að klippa myndböndin sín og kennara sýnist vera mikill gæðamunur á þeim. En sem fyrr segir eru myndböndin fyrst og fremst metin út frá vinnusemi. Kennari telur mikilvægt fyrir nemendur að þau sjái afrakstur sinn og fái leiðsögn um hvað var gott og hvað mátti gera betur.
Frá sjónarhorni nemanda
Rætt var við stúlku í 8. bekk, að hennar sögn hefur verið mjög gaman að vinna með myndbandsforritið. Seinna verkefnið þótti henni þó skemmtilegra því þá máttu þau ráða viðfangsefninu sjálf. Hún sagði frá verkefni sem bekkurinn hennar hefur unnið í ensku en kennarinn nýtti upplýsingatækni til kennslunnar. Í því verkefni áttu þau að velja sér enskumælandi borg og kynna hana með glærukynningu í PowerPoint. Hún sagði það helst vera í ensku sem kennari færi kennsluna yfir í tölvustofuna. Að hennar sögn finnst henni hæfilegt að vera í 40 mínútur í senn í upplýsingatækni.
Framtíðarsýn skólans
Skólinn hefur óskað eftir kaupum á Ipad 2 (25 skt.) Vallaskóli vill vera í fararbroddi í tölvuvæðingu grunnskóla og nútímalegum kennsluháttum. Það hefur verið mikil umræða meðal kennara skólans um þessa framtíðarsýn og vilji er fyrir að taka fyrsta skrefið strax næsta skólaár með tilraunakennslu.
Samantekt
Upplifun mín af upplýsingatækni í skólanum er sú að mikill vilji er fyrir hendi meðal kennara og stjórnenda skólans að búa yfir öflugu starfi. Að mínu mati er mannauðurinn innan skólans drifkrafurinn í upplýsingatækni en tölvuumsjónarmaður og tækjakostir helsta hindrunin.
Ég tel að það þurfi að finna lausn á því að nemendur bíði fyrstu mínútur tímans eftir nýju lykilorði ef þau hafa gleymt því. Ein leið til þess væri t.d. að þau færu inn á gesta aðgangi til þess að þau geti byrjað strax. Það gæti orðið til þess að þau leggi meira á sig til þess að muna lykilorðið því ef þau fara ekki inn á sínu lykilorði sjá þau ekki sín gögn eða myndir sem t.d. prýða desktopinn hjá þeim.
Mér þótti áhugasemi upplýsingatækni kennara skína í gegnum starfið á myndbandsverkefnunum. Það er hvetjandi fyrir kennaranema að sjá og heyra slíkan áhuga og metnað fyrir starfinu.
Heimildir
Vallaskóli (e.d.). Skólinn. Sótt 20. febrúar af http://www.vallaskoli.is/skolinn/
Í tengslum við vettvangsnám í kennarafræðum við Háskólann á Akureyri lá leið mín í Vallaskóla á Selfossi. Skólinn er í tveimur húsum, 1. og 2. bekkur eru saman í einn byggingu samtals fimm bekkir en 3. til 10. bekkur eru saman í aðalbyggingu skólans. Nemendur í skólanum starfsárið 2012-2013 eru um 550 nemendur og um 100 starfsmenn (Vallaskóli, e.d.). Heimasíða skólans er vallaskoli.is hún er aðgengileg og vel virk. Sérstaklega langar mig að nefna tengil sem kallast námsvefur og er á síðu skólans en þar er að finna fjölda slóða í tengslum við allar námsgreinar ásamt slóð á rafbækur, orðabækur, hljóðbækur, námsleiki og annað kennslufræðilegt efni. Tengillinn getur reynst nemendum, kennurum og ekki síst foreldrum gagnlegur.
Kennarar skólans nýta mentor til skráningar á ástundun auk skráningar í dagbókarfærslur en þær skila sér til foreldra á þann hátt að foreldrar fá tölvupóst um að skráning hafi farið fram. Til þess að foreldrarnir sjái færsluna skrá þeir sig inn á mentor.is . Í samskiptum við foreldra nýta kennarar einnig hefðbundin tölvupóstsamskipti.
Tækjakostir og tölvuumsjón
Nýjustu tölvur í tölvustofu skólans eru frá árinu 2008 en í haust var sett upp Windows 7 í allar tölvur. Nemendur eru því betur „græjaðir“ nú en á síðasta skólaári, eins og upplýsingatækni kennari orðaði það. Í tölvustofu skólans eru 25 tölvur að auki hafa nemendur aðgang að nokkrum tölvum annarsstaðar í húsinu. Ein tölva er í hverri kennslustofu skólans ætluð kennara. Ekki er þráðlaust net í aðalbyggingu skólans en það er hinsvegar til staðar í húsnæði 1.-2. bekkjar. Kennarar 8.-10. bekkjar hafa reynt að fá það í gegn að koma á þráðlausu neti í skólanum en það hefur ekki fengist samþykkt af tölvuumsjónarmanni. Nemendum er heimilt að koma með fartölvur og spjaldtölvur að heiman þær nýtast þó nemendum takmarkað án aðgangs að interntinu.
Erfitt hefur reynst að fá leifi hjá tölvuumsjónarmanni til þess að setja upp forrit í tölvum skólans. Dæmi um það er myndbandaforrit sem nota átti í kennslu. Ekki fékkst samþykkt að taka það inn á síðasta skólaári en í haust náðist það í gegn en það fékkst samþykkt þegar liðinn var einn og hálfur mánuður af skólanum. Um er að ræða myndbandaforritið VideoPad video editor en því er hægt að hala niður frítt. Forritið er nýtt til myndbandavinnslu hjá 7-10. bekk. Í vinnu með myndir hafa nemendur og kennarar verið að lenda í vandræðum með að flytja myndir af símum og hlaða í tölvurnar en ástæðan er sú að setja þarf inn driver til þess að virkja gagnaflutninga. Kennarar hafa fengið þau svör frá tölvuumsjónarmanni að ekkert svoleiðis sé sett upp í tölvum skólanna.
Upplýsingatækni í kennslu
Þeir sem kenna upplýsingatækni á mið og elsta stigi í skólanum eru yfirleitt upplýsingatæknikennarar en á yngsta stigi sjá umsjónarkennarar um kennslu í mörgum tilfellum. Upplýsingatækni er fastur liður í stundaskrá allra bekkja þ.e. frá 1.-10. bekkjar það eru 40 mínútur á viku. Rætt var við umsjónarkennara 1. bekkjar en hann sér um að kenna sínum bekk upplýsingatækni. Markmiðið með tímunum er að þau átti sig á hvernig á að umgangast tækin, skrá sig inn og út. Hún sagði jafnframt að krakkarnir væru mjög áhugasöm um upplýsingatæknitímana og að tímarnir séu mjög gott uppbrot á hefðbundinni kennslu. Það hefur aukist síðustu ár að umsjónarkennarar nýti upplýsingatækni í tengslum við önnur fög. Ástæðan fyrir því að ekki er gert meira af því er lítið aðgengi að tölvum og ekki nægileg þekking kennara.
Upplýsingatæknikennari ræddi um það hversu mikil tölvukunnátta nemenda er í dag. Í því sambandi vísaði hann fyrst og fremst til nemenda á mið og elsta stigi. Kunnátta þeirra snýr fyrst og fremst að internetinu en síður að forritum eins og Word, Excel, PowerPoint, Publisher o.fl. Þessi forrit eiga það sameiginlegt að geta gagnast þeim í náminu, því er mikilvægt að stuðla að þekkingu þeirra á forritunum. Við nánari spurningar um færni elstu nemendanna á internetinu sagði upplýsingatækni kennari að kennsla á internetið fælist í því að fá nemendur til að átti sig á góðum og slæmum heimildum af netinu. Kennararnir nýta vefrallý til þess að vinna með áreiðanleika heimilda.
Þegar upplýsingatæknikennari var spurður út í það hvað ber að varast í tengslum við upplýsingatækni í grunnskólum sagðist hann vera mikill græjukall en erfitt væri að fylgjast með öllum nýjungum. Vegna tíma- og fjármagnsleysis eru kennarar í sumum tilfellum komnir á eftir nemendum sínum í tækninni. En það er það sem helst ber að varast þ.e.a.s. að daga ekki uppi eða verða úreltur. Hann benti á að skólar þurfi að gæta þess að það gerist ekki en vegna fjárskorts og lítils sveiganleika tölvuumsjónarmanna getur það reynst erfitt.
Upplýsingatækni hjá 2. bekk
Í 2. bekk voru nemendur í litilli stofu sem rúmaði sjö börn í sæti. Börnin notuðu fartölvur sem geymdar eru í tölvuskáp í húsnæði 1. og 2. bekkjar. Nemendur virtust flest vera með á hreinu hvernig ætti að kveikja á tölvunni og skrá sig inn. Allir nemendur skólans hafa sitt notendanafn en í fyrstu bekkjunum nota allir nemendur sama lykilorðið. Vefurinn nams.is er mest notaður í upplýsingatækni hjá bekknum. Ég fylgdist með einum hópi í fingrafimi sem er undir krakkasíðum á nams.is og í kjölfarið fékk ég að taka á móti næstu tveimur hópum og kenna. Það var afar áhugavert,skemmtilegt og um fram allt lærdómsríkt að fá tækifæri til þess að sjá um tvo upplýsingatæknitíma hjá 2. bekk. Það var nemendum ofarlega í huga að geta spilað leiki fremur en að æfa fingrasetningu. Þegar leið á tímann var hinsvegar annað upp á teningnum og æfingin í fingrafimi var þeim áskorun þegar nemendur áttuðu sig á því að þegar einu borði var lokið tók næsta við, dálítið eins og í tölvuleikjum.
Upplýsingatækni hjá 6. bekk
Kennslustundin fór fram í tölvustofu skólans og voru nemendurnir 20 talsins. Unnið var að kynningu í PowerPoint sem bar yfirskriftina „Bærinn minn Selfoss“. Kennari nýtti skjávarpann í tölvustofunni til þess að leiða nemendur í gegnum verkefnið. Ekki var sjáanlegur munur milli kynja í virkni eða áhugasemi en nemendur voru almennt áhugasamir, sérstaklega þegar kom að því að leita að mynd af Selfossi á internetinu og hanna útlit á glærunum. Kennari hvatti nemendur til þess að nýta sér flýtilykla t.d. þegar þau vistuðu benti hann þeim á að velja Ctrl og s.
Það er gaman að segja frá því að nemendur voru mjög áhugasamir um að ég væri nemandi í Háskólanum á Akureyri en byggi á Selfossi. Upplýsingatæknikennari beindi umræðunni í þá átt að það væri svo margt hægt með notkun tækninnar. Ég sagði þeim frá því hvernig kennslan færi fram, skemmtilegar spurningar komu frá nemendum í kjölfarið og var ein þeirra „ kanntu að kóða ?“. Spurningin varpar að einhverju leiti ljósi á hversu langt nemendur eru komnir í hugsun í tengslum við tölvur.
Upplýsingatækni hjá 8. bekk
Kennslustundin fór fram í tölvustofu skólans. Upphaf tímans fór í að skrá sig inn í tölvurnar en margir nemendanna mundu ekki lykilorðið sitt. Kennari sendi póst til tæknideildar með beiðni um nýtt lykilorð en það tók um 10-15 mínútur að bíða eftir svari. Aðspurður sagði kennari að þegar nemendur eru kominir í 5. bekk (á miðstig) eiga þau sjálf að halda utan um lykilorðið sitt. Í tímanum var unnið í Excel nemendur virtust margir ekki vita út á hvað forritið gékk. Nemendurnir sem voru 19 talsins í tímanum áttu mis gott með að fylgja eftir því sem gert var. Kennari sagði að í tímum sem þessum hefur reynst lang best að nýta skjávarpann til þess að leiða þau í gegnum verkefnið í stað þess að labba milli borða og aðstoða. Vinnan fólst í að setja upp einfaldar formúlur fyrir plús, mínus, deilingu og margföldun. Það var eftirtektavert að sjá að fingrasetning nemenda var ekki eins og hún á að vera, heldur notuðu þeir vísifingur á lyklaborðið. Áberandi var munur á áhuga og vinnusemi nemenda eftir kynjum en drengirnir virtust áhugasamari og virkari. Tíminn var eins og hjá öðrum 40 mínútur, sá tími virtist ekki nægilegur til að koma miklu í verk. Aðspurður sagði upplýsingatæknikennari að tveir samliggjandi tímar væru heppilegri tímalengd til þess að komst betur af stað í því sem tekið er fyrir í hverjum tíma.
Kennsla á myndbandsforrit í 7. – 10. bekk
Eins og áður hefur komið fram er unnið með myndbandsforritið VideoPad video editor í upplýsingatækni í 7.-10. bekk. Á þeim tveimur dögum sem skólaheimsóknin var voru ekki upplýsingatæknitímar hjá þeim nemendum sem hafa verið að vinna með myndbönd. Þegar ég heyrði af þessari vinnu þótti mér hún áhugaverð og leitað til upplýsingatæknikennarans sem sér um kennsluna. Hann sagði frá vinnunni en verið er að keyra verkefnið í annað sinn hjá 7.-10. bekk.
Í fyrra verkefninu skipti kennari nemendum í 2-5 manna hópa og ákvað viðfangsefnið sem var um 2 mínútna fræðslumyndband um skólann. Í 7. bekk var verkefnið unnið á annan hátt en í hinum bekkjunum en þar var leikið verk eftir ákveðinni formúlu sem kennari útbjó. Einn hópurinn í 7. bekk lagði mikið á sig, sömdu flott leikið handrit og fóru út í sveit til að taka upp. Það sem kennara þótti skemmtilegast við það mynband var að þegar hópurinn sá myndbandið tóku þau eftir öllu sem hefði mátt gera betur og ætla að passa sig á að gera ekki sömu mistökin aftur.
Í öllum bekkjum var verkefnið þrískipt, skiptingin var þannig að skila þurfti inn handriti og/eða söguborði, allir tóku síðan þátt í upptökum og hver nemandi klippti síðan sína útfgáfu af myndbandinu úr sama efni. Það var gert til þess að sýna nemendum að hægt er að gera mjög ólík myndbönd úr sama efni.
Fyrri verkefnin voru misgóð því fáir nemendur höfðu áður unnið með myndbönd. Við matið á frammistöðu nemenda var horft til vinnusemi og hvort þau fylgdu fyrirmælum. Munur var á því hvernig kynin nálguðust verkefnið en margir strákahópar vildu helst hlaupa af stað með myndavélina og taka upp Jackass atriði. En kennari benti á að myndbandsvinnsla er tímafrek þegar vel á að takast til.
Fyrra verkefnið var hugsað sem nokkurs konar kveikja. Nú í seinna verkefninu er verið að gera leiknar myndir, endurgera atriði úr þekktum bíómyndum, tónlistarmyndbönd, sketsaþætti, stop motion myndbönd svo eitthvað sé nefnt. Margir hópar eru byrjaðir að klippa myndböndin sín og kennara sýnist vera mikill gæðamunur á þeim. En sem fyrr segir eru myndböndin fyrst og fremst metin út frá vinnusemi. Kennari telur mikilvægt fyrir nemendur að þau sjái afrakstur sinn og fái leiðsögn um hvað var gott og hvað mátti gera betur.
Frá sjónarhorni nemanda
Rætt var við stúlku í 8. bekk, að hennar sögn hefur verið mjög gaman að vinna með myndbandsforritið. Seinna verkefnið þótti henni þó skemmtilegra því þá máttu þau ráða viðfangsefninu sjálf. Hún sagði frá verkefni sem bekkurinn hennar hefur unnið í ensku en kennarinn nýtti upplýsingatækni til kennslunnar. Í því verkefni áttu þau að velja sér enskumælandi borg og kynna hana með glærukynningu í PowerPoint. Hún sagði það helst vera í ensku sem kennari færi kennsluna yfir í tölvustofuna. Að hennar sögn finnst henni hæfilegt að vera í 40 mínútur í senn í upplýsingatækni.
Framtíðarsýn skólans
Skólinn hefur óskað eftir kaupum á Ipad 2 (25 skt.) Vallaskóli vill vera í fararbroddi í tölvuvæðingu grunnskóla og nútímalegum kennsluháttum. Það hefur verið mikil umræða meðal kennara skólans um þessa framtíðarsýn og vilji er fyrir að taka fyrsta skrefið strax næsta skólaár með tilraunakennslu.
Samantekt
Upplifun mín af upplýsingatækni í skólanum er sú að mikill vilji er fyrir hendi meðal kennara og stjórnenda skólans að búa yfir öflugu starfi. Að mínu mati er mannauðurinn innan skólans drifkrafurinn í upplýsingatækni en tölvuumsjónarmaður og tækjakostir helsta hindrunin.
Ég tel að það þurfi að finna lausn á því að nemendur bíði fyrstu mínútur tímans eftir nýju lykilorði ef þau hafa gleymt því. Ein leið til þess væri t.d. að þau færu inn á gesta aðgangi til þess að þau geti byrjað strax. Það gæti orðið til þess að þau leggi meira á sig til þess að muna lykilorðið því ef þau fara ekki inn á sínu lykilorði sjá þau ekki sín gögn eða myndir sem t.d. prýða desktopinn hjá þeim.
Mér þótti áhugasemi upplýsingatækni kennara skína í gegnum starfið á myndbandsverkefnunum. Það er hvetjandi fyrir kennaranema að sjá og heyra slíkan áhuga og metnað fyrir starfinu.
Heimildir
Vallaskóli (e.d.). Skólinn. Sótt 20. febrúar af http://www.vallaskoli.is/skolinn/